اے آئی جی کاآر پی او ڈیرہ کے ہمراہ تونسہ کا دورہ سیکیورٹی انتظامات کا جائزہ 

ملتان ‘وہوا (نمائندہ خصوصی ‘تحصیل رپورٹر‘نامہ نگار ) ایڈیشنل انسپکٹر جنرل پولیس جنوبی پنجاب صاحبزادہ شہزاد سلطان نے آر پی او ڈی جی خان سید خرم علی کے ہمراہ ضلع تونسہ کا دورہ کیا اور مختلف مقامات پر سیکیورٹی انتظامات کا جائزہ لیا ایڈیشنل آئی جی نے شہید ہیڈ کانسٹیبل مظہر اقبال کے گھر جا کر اہل خانہ اور بچوں سے تعزیت کی اور شہید کے درجات کی بلندی کے لیے فاتحہ خوانی کی انہوں نے شہید کی فیملی کو امدادی چیک پیش کیا اور شہید کے بچوں کیسر پر دست شفقت رکھا انہوں نے کہا کہ پنجاب پولیس اپنے بہادر فرزند کی اس قربانی کو کبھی فراموش نہیں کرے گی، شہید کی فیملی اور بچوں کی ضروریات زندگی کا خیال رکھا جائیگا۔ بعد ازیں ایڈیشنل آئی جی صاحبزادہ شہزاد سلطان نے سید خرم علی کے ہمراہ  پکٹ جھنگی کا دورہ کرتے ہوئے حملہ کی جائے وقوعہ کا جائزہ لیا ڈی پی او ڈی جی خان خان نے واقعہ پر بریفنگ دی.