معاشرتی مسائل اجاگر کرنے میں فوٹو جرنلسٹ کا کردار قابل ستائش ہے:فیصل ایوب

گوجرانوالہ (نمائندہ خصوصی ) صدر گوجرانوالہ چیمبر شیخ فیصل ایوب نے کہا ہے کہ معاشرتی مسائل اجاگر کرنے میں فوٹو جرنلسٹ کا کردار قابل ستائش ہے گوجرانوالہ کے صحافیوں کیلئے ہر ممکن اقدامات اٹھانے کیلئے چیمبر آف کامرس تیار ہے صحافی فوٹوگرافر معاشرے کی آنکھ ،کان ہیں جو معاشرتی مسائل کے حل میں اہم کردارادا کرتے ہیں ان خیالات کا اظہار انہوں نے فوٹو جرنلسٹ پروفیشنل گروپ کے سینئر رہنما محمد فاروق کی قیادت میں ملنے والے وفد سے دوران ملاقات گفتگو کرتے ہوئے کیا وفد میں سینئر فوٹو جرنلسٹ عبدالخالق ،مرزا اکرم بیگ ،صدر فوٹو جرنلسٹ طارق بزمی ،سینئر نائب صدر محمد ارشد ،فنانس سیکرٹری عابد گوگا بٹ ،جنرل سیکرٹری ذوالفقار زمان اور دیگر شامل تھے۔