کراچی(این این آئی)آرٹس کونسل آف پاکستان کراچی کی نئی منتخب گورننگ باڈی کی تقریب حلف برداری پیر 16جنوری 2023 کو شام پانچ بجے آرٹس کونسل میں منعقد ہو گی۔ وزیر اعلی سندھ سید مراد علی شاہ مہمان خصوصی ہوں گے اور منتخب گورننگ باڈی سے حلف لیں گے۔ وزیر اعلی سندھ اس موقع پر آرٹس کونسل میں مکمل ہونے والے اسٹوڈیوز، جوش ملیح آبادی لائبریری اور دیگر منصوبوں کا افتتاح بھی کریں گے۔ ممبران کے لیے عشائیہ اور موسیقی کا اہتمام بھی کیا گیا ہے۔.