جامعہ عربیہ اسلامیہ سرکلر روڈ قصور میں سیدنا صدیق اکبر  ؓ سیمینار

قصور (نمائندہ نوائے وقت) جامعہ عربیہ اسلامیہ سرکلر روڈ قصور میں مناقب سیدنا صدیق اکبر ؓ سیمینار ہوا جس میں مختلف شعبہ زندگی سے تعلق رکھنے والے افراد نے شرکت کی مہمان خصوصی حضرت مولانا اشرف طاہر ، مولانا طاہر محمود قصوری، آصف کھوکھر صدر تاجر برادری ، عرفان الہی، مولانا مشتاق احمد سدھانوی، مولانا اعجاز معاویہ‘ مولانا محمد طیب فاروقی‘ مولانا مظہر اور دیگر خطباء کرام نے سیدنا صدیق اکبر کی خدمات اور انکے عشق مصطفی پر خراج عقیدت پیش کیااور حکومت سے مطالبہ کیا کہ خلفائے راشدین کے ایام ہاے شہادت و وفات پر عام تعطیل کر کے سرکاری سطح پر منایا جائے۔ مولانا مشتاق احد سدھانوی کی دعا سے سیمینار کا اختتام ہوا۔