پی ٹی آئی ٹکٹ کافی، انتخابی نشان چھیننے سے ہمارے حوصلے پست نہیں ہونگے: زرتاج گل

پشاور (نوائے وقت رپورٹ) پاکستان تحریک انصاف کی رہنما زرتاج گل نے کہا ہے کہ انتخابی نشان چھیننے سے ہمارے حوصلے پست نہیں ہونگے۔ پشاور میں میڈیا سے گفتگو کرتے ہوئے زرتاج گل کا کہنا تھا کہ طویل جدوجہد اور بربریت کا سامنا ہے۔ انہوں نے کہا کہ ہماری شناخت بلے کا نشان چھینا گیا مجھے بنچ کا نشان دیا گیا۔ میرے لئے پی ٹی آئی کا ٹکٹ ہی کافی ہے۔ زرتاج گل کا کہنا تھا کہ انتخابی نشان چھیننا ان کا آخری حربہ تھا۔ زرتاج گل نے کہا ماؤں، بہنوں اور بیٹیوں کو سڑکوں پر گھسیٹا گیا دہشت گردی سے غداری تک کے پرچے کاٹے گئے۔