پی سی بی کا ٹی 10 میچزکا منصوبہ، لیگز کیلئے کرکٹرز کے این او سی روک دئیے

لاہور(سپورٹس رپورٹر) پاکستان کرکٹ بورڈ کی جانب سے ٹی 10 میچز کرانیکا منصوبہ ہے جس کے باعث لیگز کیلئے قومی کرکٹرز کو این او سی نہیں دئیے جارہے۔ذرائع کے مطابق پی سی بی ٹی 10 میچز کیلئے تمام قومی کرکٹرز کی دستیابی کا خواہش مند ہے۔ پی سی بی کی جانب سے 24 جنوری سے 28 جنوری کے درمیان ٹی 10 میچز کرانیکی منصوبہ بندی ہے۔ حکومت کی جانب سے ٹی10 لیگ کی اجازت نہ ملنے پر نمائشی میچز کی منصوبہ بندی کی جارہی ہے۔ ٹی 10 لیگ کیلئے پی سی بی نے مڈل سیکس کے ساتھ بھی معاملات طے کرلیے ہیں۔معاہدوں اور لیگز کے لیے منتخب ہونے کے باوجود این او سی نہ ملنے سے کھلاڑی پریشان ہیں، لیگز انہی دنوں میں ہیں جب پی سی بی ٹی 10 میچز کرانے جا رہا ہے۔ کھلاڑیوں کے دبئی لیگ اور بی پی ایل کے معاہدے ہیں۔