افغانستان کیخلاف میچ ‘ مداح نے جنگلا پھلانگ کر ویرات کوہلی کو گلے لگا لیا

لاہور(سپورٹس رپورٹر)افغانستان کے خلاف میچ میں مداح نے جنگلا پھلانگ کر ویرات کوہلی کو گلے لگا لیا۔افغانستان کے خلاف دوسرے ٹی 20 میچ میں سکیورٹی اہلکاروں میں اس وقت کھلبلی مچ گئی جب ایک مداح گراونڈ کا جنگلہ پھلانگ کر کوہلی سے گلے ملنے گراونڈ میں پہنچ گیا۔ جبکہ نوجوان کو سکیورٹی فینس پھلانگنے پر حراست میں لیا گیا اور بعدازاں تاکو گنج تھانے منتقل کر دیا گیا۔ پولیس اہلکار کا بتانا ہے کہ نوجوان کے پاس میچ کا ٹکٹ موجود تھا اور وہ سٹیڈیم میں نریندر ہیروانی گیٹ سے داخل ہوا ۔ نوجوان ویرات کوہلی کا بڑا مداح ہے اور کافی عرصہ سے ان سے ملنے کی کوشش میں تھا ۔