لاہور(سپورٹس رپورٹر) پاکستان سپر لیگ کی مقبول فرنچائز کراچی کنگز نے لیگ کے نویں ایڈیشن کیلئے انگلش آل راؤنڈر جیمی اوورٹن کی خدمات حاصل کرلی ہیں۔شائقین کی پسندیدہ فرنچائز میں سے ایک کراچی کنگز نے اپنے ترکش میں ایک اور ہتھیار کا اضافہ کرلیا ہے۔ پی ایس ایل کے آئندہ ایڈیشن کیلئے انگلش کرکٹر جیمی اوورٹن کراچی کی ٹیم میں شامل ہوگئے ہیں۔جیمی اپنی مہلک فاسٹ بولنگ اور جارحانہ بیٹنگ کے حوالے سے شہرت رکھتے ہیں۔ انگلش کرکٹر اس سے قبل مختلف لیگز اور انٹرنیشنل میچز میں اپنی صلاحیتوں کا مظاہرہ کرچکے ہیں۔