لاہور(سپورٹس رپورٹر)پاکستان کے سابق مایہ ناز بلے باز ایشین بریڈ مین ظہیرعباس کا کہنا ہے کہ پاکستان کرکٹ ٹیم کچھ ٹیکنیکل غلطیاں کر رہی ہے۔ پروفیشنلی ہم غلط راہ پر ہیں۔ کوچز کو پلیئرز کی ان غلطیوں کو ٹھیک کرنا ہوگا۔ نیوزی لینڈ کیخلاف غلطیاں ہوئی ہیں۔ ان پر قابوپانا ہوگا۔ جب تک اچھے کیچز نہیں پکڑیں گے اچھی فیلڈنگ نہیں کریں گے میچ نہیں جیت سکتے۔ کپتانی کے تجربات کرنے میں کوئی نقصان نہیں ہے۔ صرف میں ہی نہیں پاکستان میں ہر بلے باز ایشین بریڈ مین ہے جو کھلاڑی پرفارم کرے۔ وہ ایشین بریڈمین بن سکتا ہے۔ بابر اعظم بہت اچھے پلیئر ہیں۔ امید ہے وہ میچز بھی جتوائیں گے۔ بابر اعظم کو مستقل مزاجی سے کھیلنا پڑیگا۔ کپتان کوئی بھی بن جائے ٹیم اچھی پرفارمنس دیگی تو رزلٹ اچھا آئیگا۔