نیشنل سیونگز ڈویژن کے سیالکوٹ آفس کے زیر اہتمام 750 روپے مالیت کے انعامی بانڈز کی 96ویں قرعہ اندازی کے نتائج سامنے آگئے۔ تفصیلات کے مطابق پرائز بانڈز پیسے جمع کرنے اور محفوظ کرنے کا مڈل کلاس طبقے میں اہم ذریعہ سمجھا جاتا ہے اور کبھی کبھی کسی خوش نصیب کی قسمت بھی چمک جاتی ہے اور وہ بیٹھے بیٹھے لاکھ پتی یا کروڑ پتی بن جاتا ہے۔ 750روپے کے پرائز بانڈ کا پہلا نعام 15 لاکھ روپے اور یہ جیتنے والے خوش نصیب باونڈ کا نمبر 059936 ہے ۔ یہاں آپ کو یہ بتاتے چلیں کہ انعام جیتنے والے والا واحد ایک شخص نہیں بلکہ متعدد بھی ہو سکتے ہیں کیونکہ ہی ایک ہی نمبر کے متعدد بانڈز جاری کیئے جاتے ہیں ۔ 750روپے کے پرائز بانڈ کا دوسرے انعام کا قرعہ 087220 ، 826748 اور 892829 نمبرز رکھنے والا کا نکلا ہے۔ اس کے علاوہ پرائز بانڈ کے تیسرے درجے کا انعام 9300 روپے ہے جس کیلئے 1696 لکی نمبرز جاری کردیے گئے ہیں۔ واضح رہے کہ تیسرے انعام کے زمرے میں 1,700 خوش قسمت فاتحین شامل تھے، ہر ایک کو 9,300روپے کا نقد انعام دیا گیا۔ شہری اس حوالے سے نیشنل سیونگ پاکستان کی ویب سائٹ پر جا کر بانڈ کی قرتعہ اندازی کے نتائج کی مکمل فہرست کا مطالعہ کرسکتے ہیں۔ حکومت کی طرف سے شروع کی گئی پرائز بانڈ اسکیم کے دو مقاصد ہیں، پہلا عوامی اقدامات کے لیے فنڈز پیدا کرنا اور دوسرا ریاست کے شہریوں کو اپنی دولت کی قدر میں کمی کے خطرے کے بغیر محفوظ طریقہ پیش کرنا ہے۔