لاہور (خبر نگار) شاہین ایئر لائنز کی پروازوں میں گھنٹوں کی بجائے دنوں کی تاخیر نے مسافروں کو احتجاج پر مجبور کر دیا۔ گھنٹوں انتظار کرنے والے مسافروں نے ایئرپورٹ پر شاہین ائرلائنز کے خلاف نعرے بازی کی۔ ہفتہ کی رات دمام جانیوالی 711 اور ابوظہبی جانے والی اتوار کو نصف شب تک بھی روانہ نہیں ہو سکی تھیں اور نہ ہی ان کی روانگی کا کوئی وقت دیا جا رہا تھا۔ کویت سے آنے والی شاہین ائرلائنز کی پرواز 10 گھنٹے تاخیر سے پہنچی۔ مشہد جانیوالی پرواز 2 گھنٹوں کی تاخیر سے روانہ ہوئی۔