کراچی: عسکری امیوزمنٹ پارک کا جھولا گر گیا، لڑکی جاں بحق8 زخمی

کراچی (کرائم رپو رٹر )پرانی سبزی منڈی کے نزدیک عسکری امیوزمنٹ پارک کا نیا جھولا بلندی سے زمین پر گیا گیا جس کے نتیجے میں16سالہ کشف جاں بحق جبکہ 18 افراد زخمی ہو گئے جن کو قریبی ہسپتالوں میں پہنچایا گیا۔ عسکری امیوزمنٹ پارک کا افتتاح عیدالفطر کے روز 16 جون 2018ءکو ہوا تھا پارک میں اتوار کی وجہ سے بہت رش تھا جھولا گرنے کے بعد آئی جی سندھ امجد جاوید سلیمی نے ایس ایس پی ایسٹ کو فوری ریسیکو اقدامات کی ہدایت کی۔ انہوں نے کہا زخمیوں کو فوری طبی امداد کی فراہمی کو یقینی بنایا جائے آئی جی نے کہا وقو عہ کی انکوائری کے لئے پارک انتظامیہ کے تعاون کو یقینی بنایا جائے۔ جھولا گرنے کے بعد جب عسکری امیوزمنٹ پارک کے مالک کو فون کیا گیا تو انہوں نے فون بند کر دیا تاہم انتظامیہ نے پارک کو تاحکم ثانی بند کر دیا ہے۔ ذرائع کا کہنا ہے کہ ایک ماہ قبل جھولوں کی تنصیب میں عجلت برتی گئی تھی۔ اطلاعات کے مطابق زخمیو ں میں شامل 2خواتین کی حالت نازک ہے۔ نگراں وزیراعلیٰ سندھ فضل الرحمن نے واقعہ پر افسوس کا اظہار کر تے ہوئے فوری تحقیقات کا حکم دیا ہے۔
جھو لا گر گیا