سانحہ مستونگ،شہادتوں کی تعداد149تک پہنچ گئی

دو روز قبل مستونگ میں ہونے والے خود کش دھماکے میں شہید ہونے والے افراد کی تعداد 149 تک پہنچ گئی ہے۔ڈپٹی کمشنر مستونگ قائم لاشاری نے سانحہ مستونگ میں 149 افراد کے شہید ہونے کی تصدیق کرتے ہوئے کہا ہے کہ حملے میں 186 افراد زخمی ہوئے۔ڈی سی مستونگ کا کہنا ہے کہ 18 افراد کی میتیں لواحقین اسپتال نہیں لائے تاہم دھماکے کے شہداء اور زخمیوں کا ڈیٹا مکمل کر لیا گیا ہے۔سانحہ مستونگ: لشکری رئیسانی نے ’ٹرتھ کمیشن‘ بنانے کا مطالبہ کردیاقائم لاشاری نے کہا کہ شہداء کے لواحقین معاوضے کے لیے ضلعی انتظامیہ سے رابطہ کریں۔خیال رہے کہ دو روز قبل مستونگ میں بلوچستان عوامی پارٹی کے جلسے میں ہونے والے خود کش حملے میں سراج رئیسانی سمیت 100 سے زائد افراد شہید ہوئے تھے۔