کراچی(اسپورٹس رپورٹر) شعیب لائنز، تبسم پینتھرز ، صابر ٹائیگرز اور امتیاز ڈولفینز کی ٹیمیں مظہر جبلپوری انٹرا اکیڈمی سیون اے سائیڈ ہاکی لیگ کے سیمی فائنل مرحلے میں پہنچ گئیں، الصغیر ہاکی کلب کے زیر اہتمام منعقدہ لیگ مرحلے کے آخری روز صابر ٹائیگرز، تبسم پینتھرز اور امتیاز ڈولفینز کی کامیابی صابر ٹائیگرز کے اوکاشا نے ہیٹ اسکور کی، انڈس اسٹیٹ اینڈ بلڈرز بحریہ ٹائون کے چیف ایگزیکٹو آفیسر ملک ارشد اور المخدوم ٹریڈرز کے مالک محمد توفیق مہمان خصوصی تھے، پاکستان انسٹیٹیوٹ آف ہاکی کے جنرل سیکریٹری رائو جاوید نے اعزازی مہمان کی حیثیت سے شرکت کی . اس موقع پر حاجی یونس صدیقی انٹرنیشنل گریڈ 1 امپائر اور نصرت حسین  بھی موجود تھے۔ بعد ازاں مہمانوں کا تعارف کھلاڑیوں سے کروایا گیا اور انتظامیہ کی جانب سے مہمانوں کو گلدستہ اور اجرک تحفے میں پیش کی گئی. اس موقع پر صغیر حسین اور نارتھ کراچی ہاکی اکیڈمی کے ہیڈ کوچ مسرور جاوید نے مہمانوں کا شکریہ ادا کیا.