کراچی (اسپورٹس رپورٹر) پامولو نیچر لز کھیلو کرکٹ خواتین ٹورنامنٹ غزیانی اسٹارز نے جیت لیا ۔ فائنل میں مد مقابل ایتھیلٹک کلب کو 6وکٹس سے شکست  کا سامنا۔ پاکستان خواتین اتھلیٹس کے جذبوں کی ترجمانی کرتے ہوئے پا مولو نیچرلزکے تعاون سے کراچی میں’ کھیلو کرکٹ خواتین ٹورنا منٹ‘ منعقد کیا گیا ۔جس میں 14سے 28سال تک کی خواتین نے بڑھ چڑھ کر حصہ لیا ، ایونٹ میں کل 6 ٹیموں نے حصہ لیا جن میں کئی شاندار ریکارڈ بنے ۔ پلئیر آف دی ٹورنامنٹ راکٹس کی سندس صدیقی، بیسٹ بیٹر ایتھلیٹ کلب کی اریبہ حنیف،بیسٹ بائولر کا اعزاز غزیانی اسٹارز کی ردا حسین کے نام رہا۔ فائنل ایونٹ کی مہمان خصوصی معروف جرنلسٹ و فلم میکر شرمین عبید تھیں جنہوں نے کھلاڑیوں کو ٹرافی و انعامات دئیے۔