پاک بحریہ کے جہاز پی این ایس ذوالفقار کی برطانیہ کی بندرگاہ  پر آمد 

 اسلام آباد (این این آئی)پاک بحریہ کے جہاز پی این ایس ذوالفقار نے برطانیہ کی بندرگاہ پورٹسمیوئتھ آمد پر میزبان بحریہ اور پاکستان کے سفارتی حکام نے پاک بحریہ کے جہاز کا پرتپاک استقبال کیا۔ ترجمان پاک بحریہ کے مطابق مشن کمانڈر نے جہاز کے کمانڈنگ آفیسر کے ہمراہ میزبان حکام سے ملاقاتیں کیں اور باہمی دلچسپی کے امور بشمول دو طرفہ بحری تعاون پر تبادلہ خیال کیا۔ ترجمان پاک بحریہ کے مطابق مشن کمانڈر نے امیرالبحر کی جانب سے برطانیہ کے عوام بالخصوص رائل بحریہ کیلئے خیر سگالی کا پیغام پہنچایا۔ ترجمان پاک بحریہ کے مطابق برطانیہ میں تعینات پاکستان کے سفیر معظم علی خان نے بھی پی این ایس ذوالفقار کا دورہ کیا۔ ترجمان پاک بحریہ کے مطابق دورے کے آخر میں دونوں ممالک کے بحری جہازوں نے مشترکہ بحری مشق ’’وائٹ سٹار‘‘ میں بھی حصہ لیا۔