ڈاکوئوںنے متعدد شہریوں سے لاکھوں روپے ، زیورات لوٹ لئے

لاہور(نامہ نگار)لاہور کے مختلف علاقوں میںڈاکوئوںاور چوروںنے متعدد شہریوں سے لاکھوں روپے ، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا ۔ڈاکوؤں نے مصطفی ٹاؤن میں عدنان کے گھر گھس کر اہلخانہ کو گن پوائنٹ پر یرغمال بنا کر 7لاکھ20ہزار ،شمالی چھاؤنی میںناصر محمود اور فیملی سے ساڑھے5لاکھ، جوہر ٹاؤن میں یعقوب اور فیملی سے 5لاکھ ،غازی آباد میں سرفراز اور فیملی سے4لاکھ، گارڈن ٹاؤن میں سلیمان اور فیملی سے ساڑھے 3لاکھ، مانگا منڈی میں مشاہد اور فیملی سے 3لاکھ ، مزنگ میں رانا شاہ نوازاور فیملی سے ڈھائی لاکھ ، گلشن اقبال میں علی حسنین اور فیملی سے 2لاکھ روپے ، طلائی زیورات،موبائل فون اور دیگر سامان لوٹ لیا ۔ڈاکوؤں نے گلشن راوی میں محمد نواز سے4لاکھ اور موبائل فون ،شاہدرہ میں امتیاز سے 2لاکھ اور موبائل فون ، فیصل ٹاؤن میں عمر سے 6ہزار روپے اور موبائل فون لوٹ لیا ۔چوروں نے شادمان ، رائیونڈ سٹی اور ساندہ سے تین گا ڑیاں جبکہ سبزہ زار، شیراکوٹ، نصیر آباد ،کاہنہ اور کوٹ لکھپت سے پانچ موٹر سائیکلیں چوری کرلیں۔