لاہور(نامہ نگار،نیوز رپورٹر، خصوصی نامہ نگار )پیپلزپارٹی وسطی پنجاب کے رہنماؤں نے سابق صدر ممنون حسین کے انتقال پر گہرے دکھ اور افسوس کا اظہار کیا ہے۔ پیپلز پارٹی وسطی پنجاب کے چیف آرگنائزر راجہ پرویز اشرف نے کہا کہ سابق صدر ممنون حسین کے انتقال پر رنج ہوا ہے،سینئر نائب صدرچودھری اسلم گل نے کہا کہ سابق صدر  کے انتقال کا سن کر دلی صدمہ دکھ ہوا۔تحریک انصاف کے مرکزی رہنما جہانگیر ترین نے بھی  ممنون حسین کے انتقال پر افسوس کا اظہار کرتے ہوئے کہاکہ اللہ تعالی مرحوم کو جنت الفردوس میں جگہ دے ۔علاوہ ازیں مرکزی جمعیت اہل حدیث پاکستان کے امیر سینیٹر پروفیسر ساجد میر اور ناظم اعلیٰ سینیٹر ڈاکٹر حافظ عبدالکریم نے سابق صدر ممنون حسین کی وفات پر دلی افسوس کا اظہار کیا ۔