لاہور(سٹی رپورٹر)صدارتی اعزازت سے نوازنے کے لئے پنجاب کی جانب سے معروف نام وفاق کو تجویذ کردیئے گئے ۔نمایاں کارکردگی کا مظاہرہ کرنے والی شخصیات کیلئے ایوارڈ ز کی منظوری دیدی گئی۔ اداکارہ نیلو، ادکارریاض شاہد ، اداکارہ شبنم کو تمغہ امتیاز، معروف ادیب و شاعر امجد اسلام امجد اور ن م راشد کو نشان امتیاز دینے کی منظوری دی گئی ہے۔تفصیل کے مطابق وفاقی وزیر اسد عمر کی زیر صدارت آن لائن اجلاس میں نمایاں کارکردگی دکھانے والوں کو ایوارڈ زدینے کی منظوری دی گئی ہے۔ اجلاس میں چاروں صوبوں کے چیف سیکرٹریز نے ویڈیو لنک کے ذریعے شرکت کی۔ چیف سیکرٹری پنجاب نے پنجاب کی شخصیات کیلئے وکالت کی، فقیر سید اعجاز الدین، شاہد زیدی، راشد علی رانا اور اداکارہ صائمہ کو تمغہ امتیاز دینے کی منظوری دی گئی ہے۔صدارتی اعزازات کا سرکاری اعلان 14 اگست کو کیا جائےگا۔اداکارریاض شاہد ، اداکارہ نیلو ، اداکارہ شبنم کو تمغہ امتیاز دینے کی منظوری دی گئی ہے جبکہ مجید امجد، ن م راشد کو نشان امتیاز دینے کی منظوری دی گئی ہے۔ ذرائع کے مطابق پنجاب کی جانب سے نمایاں کارکردگی دکھانے والوں کو ملک کے اعلی اعزازات سے نوازنے کے لئے وفاق کو بجھوائے گئے ناموں کی چیف سیکرٹری پنجاب جواد رفیق ملک کی جانب سے منظوری دیتے ہوئے فائنل نام بجھوا دیئے ہیں ۔