قومی ہاکی ٹیم غیرملکی ٹرینر ‘ گول کیپر کوچ کی خدمات سے محروم

لاہورس(سپورٹس رپورٹر)لاہور میں کامن ویلتھ گیمز کی تیاریوں میں مصروف قومی ہاکی ٹیم غیرملکی ٹرینر اور گول کیپرکوچ کی خدمات سے محروم ہوگئی،آسٹریلوی ٹرینر ڈینئل بیری اور ڈچ گول کیپر کوچ باب ویلڈف اپنے گھرواپس چلے گئے ہیں۔ذرائع کے مطابق غیر ملکی کوچز نے اپنی مصروفیات کے بارے میں پہلے ہی پی ایچ ایف کو آگاہ کردیاتھا،ڈینئیل بیری نے سپورٹس کانفرنس میں شرکت کرنی تھی جبکہ باب ویلڈف بھی صرف دو ہفتوں کیلئے پاکستان آئے تھے،دونوں غیرملکی کوچز کامن ویلتھ گیمز کی ٹیم مینجمنٹ میں بھی شامل نہیں تھے۔ویزہ مسائل کی وجہ سے ایک ماہ تاخیر سے کیمپ جوائن کرنے والے ہیڈکوچ سیگفرائیڈ ایکمین کی نگرانی میں کھلاڑی ان دنوںٹریننگ کررہے ہیں۔