گوادر ( بیورو رپورٹ ) ریجنل ڈائریکٹر علامہ اقبال اوپن یونیورسٹی گوادر کے ایک  اعلامیہ میں کہا گیا  ہے کہ علامہ اقبال اوپن یونیورسٹی کے سمسٹر خزاں کے پہلے مرحلے کے داخلے 15جولائی سے شروع ہو چکے ہیں جبکہ دوسرے مرحلے کے داخلے یکم ستمبر سے شروع ہوں گے۔ پہلے مرحلے میں پیش کئے جانے والے پروگراموں میں میٹرک (جنرل) میٹرک درس نظامی (ثانویہ عامہ) میٹرک اوپن کورسز ایف اے (جنرل) آئی کام،ایف اے درس نظامی  (ثانویہ عامہ) ایف اے اوپن کورسز،بی ایس /COLMBA/MPA (فیس ٹو فیس) ایم فل اور پی ایچ ڈی پروگرامز شامل ہوں گے۔ دنیا بھر کے کسی بھی ملک میں مقیم پاکستانی و بین الاقوامی طلبہ بھی میٹرک، ایف اے، اور آئی کام پروگراموں میں داخلہ لے کر اپنی تعلیمی استعداد میں اضافہ کر سکتے ہیں۔ تمام پروگراموں کے داخلہ فارم اور پراسپیکٹس یونیورسٹی کی ویب سائٹ پر آن لائن دستیاب ہیں۔ واضح رہے کہ یونیورسٹی کی داخلہ پالیسی کے مطابق بی ایس /COLMBA/MPA /ایم فل اور پی ایچ ڈی پروگراموں میں داخلہ حاصل کرنے کے لئے آن لائن اپلائی کرنا لازمی ہے۔