سہراب گوٹھ کشیدگی 2 روز میں 190 گرفتار:پولیس چیف

کراچی (نیوز رپورٹر) کراچی پولیس چیف جاوید عالم اوڈھو کا کہنا ہے کہ شرپسندی کرنے والے کسی بھی عناصر کو نہیں چھوڑا جائے گا۔ جاوید عالم اوڈھو نے کراچی میں لسانی بنیادوں پر ہونے والے پرتشدد واقعات کے حوالے بات چیت کرتے ہوئے کہا کہ 190 سے زائد افراد کو کل سے اب تک پکڑا گیا اور 40 پر باقاعدہ مقدمات درج کیے گئے ہیں۔ انہوں نے کہا کہ کل 160 اور آج 30 افراد کو پکڑا گیا ہے، سہراب گوٹھ تھانے میں دو جبکہ مبینہ ٹاؤن تھانے میں ایک مقدمہ درج کیا گیا۔ کراچی پولیس چیف کا کہنا ہے کہ مزید چوتھا مقدمہ بھی درج کیا جارہا ہے، سہراب گوٹھ تھانے میں درج مقدمات میں انسداد دہشتگردی کی دفعات بھی شامل ہیں۔ جاوید عالم اوڈھو نے مزید کہا کہ شرپسندی کرنے والے کسی بھی عناصر کو نہیں چھوڑا جائے گا، پولیس کی اضافی نفری آج بھی تعینات ہے۔
جاوید عالم اوڈھو