پرتگال میں آگ بجھانے والا طیار ہ ریسکیو آپریشن کے دوران گر کر تباہ ہونے کے نتیجے میں طیارے کا پائلٹ ہلاک ہوگیا۔ غیر ملکی میڈیا کے مطابق نیشنل انسٹیٹیوٹ آف میڈیکل ایمرجنسی کے ترجمان نے میڈیا کو بتایاہے کہ شمالی پرتگال کی میونسپلٹی ویلا نووا ڈی فوز کو میں ایک طیارہ آگ بجھانے کے دوران گر کر تباہ ہوگیا ہے۔انہوں نے بتایا کہ ریسکیو اہلکاروں نے جائے حادثہ پر پہنچ کر طیارے کولگی آگ بجھائی اور طیارے سے پائلٹ کی جلی ہوئی لاش کو نکال لیاہے۔انہوں نے بتایا کہ پرتگال کے ہوائی جہاز اور ریلوے حادثات کی روک تھام اور تحقیقات کے دفتر نے حادثے کی تحقیقات شروع کر دی ہیں۔