ورلڈ انڈر 21 سنوکر ‘پاکستان بھارت کو ہرا کر سیمی فائنل میں پہنچ گیا

لاہور(سپورٹس رپورٹر) انڈر 21 عالمی سنوکر چیمپئن شپ میں پاکستان نے بھارت کو شکست دے دی۔پاکستان بھارت کو شکست دے کر سیمی فائنل میں پہنچ گیا، پاکستان کے حمزہ الیاس نے بھارت کے دھورو پٹیل کو 2کے مقابلے میں 4 فریم سے ہرا دیا۔سیمی فائنل میں حمزہ الیاس کا مقابلہ جرمنی کے کھلاڑی سے ہو گا۔ورلڈ سنوکر انڈر 17 اور انڈر 21 چیمپئن شپ میں شرکت کیلئے پاکستان کی ٹیم سعودی عرب موجود ہے، ٹورنامنٹ میں احسن رمضان اور محمد حمزہ الیاس پاکستان کی نمائندگی کر رہے ہیں۔سعودی عرب کے شہر ریاض میں ہونے والی چیمپئن شپ میں مقابلے 16 جولائی تک جاری رہیں گے۔