لاہور (سپورٹس رپورٹر)امریکی شہر میامی میں کھیلے جانیوالے کوپا امریکہ فائنل میں کولمبیا اور ارجنٹینا کی ٹیمیں آمنے سامنے آئیں جس میں ارجنٹینا نے 0-1 سے کولمبیا کو شکست دیدی۔پہلے ہاف میں دونوں ٹیمیں گول سکور کرنے میں ناکام رہیں ، مقررہ وقت تک دونوں ٹیمیں گول سکور کرنے میں ناکام رہیں اور میچ ایکسٹرا ٹائم میں چلا گیا جس میں لوٹارو مارٹینیز نے ایکسٹرا ٹائم کے 112ویں منٹ میں گول سکور کردیا جوکہ ارجنٹینا کی فتح کا پروانہ ثابت ہوا۔ ارجنٹینا دو کوپا امریکہ ٹرافی کے درمیان ایک فیفا ورلڈ کپ جیتنے والی پہلی ٹیم بن چکی ہے، اس کے علاوہ میسی ارجنٹینا کیلئے سب سے زیادہ فائنل کھیلنے والے کھلاڑی بھی بن گئے۔ وہ 9 بار بین الاقوامی فائنلز میں اپنی ٹیم کی نمائندگی کرچکے ہیں۔ بہترین کھلاڑی کولمبیا کے جیمز روڈریگوئز کو دیا گیا جبکہ بہترین گول کیپر ارجنٹینا کے ایمی مارٹینیز قرار پائے۔ اس سے قبل میسی کی قیادت میں ارجنٹینا نے 2021ء کے کوپا امریکہ فائنل میں برازیل کو شکست دیکر ٹائٹل جیتا تھا۔ اس کے بعد 2022ء کے فیفا ورلڈ کپ فائنل میں فرانس کو شکست دی اور اب کوپا امریکا 2024ء جیت کر میسی نے اپنے کریئر میں ایک اور بین الاقوامی ٹرافی کا اضافہ کرلیا ہے۔یہ ارجنٹینا کا 16واں کوپا امریکا ٹائٹل ہے۔