نیروبی (نیٹ نیوز) کینیا کی پولیس نے خواتین کو قتل کرنے والے سیریل کلر کو گرفتار کرنے کا دعویٰ کیا ہے۔ نیروبی کی ایک ڈمپنگ سائٹ سے نعشیں ملنے کے بعد سیریل کلر کو گرفتار کیا گیا ہے۔ پولیس کا کہنا ہے کہ مشتبہ شخص ان 9 خواتین کے بہیمانہ قتل میں ملوث ہے جن کی مسخ شدہ نعشیں ڈمپنگ سائٹ سے ملی تھیں۔ 33 سالہ جومایسی خلیسیا نے 2022 ء سے اب تک اپنی بیوی سمیت 42 خواتین کو قتل کرنے کا اعتراف کیا ہے۔ پولیس کے مطابق مشتبہ شخص کے گھر سے اہم شواہد ملے ہیں جن میں10 موبائل فون، 1 لیپ ٹاپ، چادر، شناختی کارڈ اور خواتین کے کپڑے شامل ہیں۔ ملزم کے گھر سے ایک چھرا بھی برآمد ہوا ہے جسے آلہ قتل سمجھا جارہا ہے، اس کے علاوہ ملزم کے گھر 9 بوریاں بھی برآمد ہوئی ہیں۔