سانگلہ ہل (نمائندہ نوائے وقت) کاہلوں کنگ قبیلہ کے رہنما چوہدری افضال کاہلوں نے کہا ہے کہ محرم الحرام کا مقدس مہینہ خانوادہ رسولؐ کی بے مثال قربانیوں کی یاد دِلاتا ہے، واقعہ کربلا نے دنیا پر ثابت کر دیا کہ مسلمان اسلام کی خاطر ہر چیز قربان کرسکتا ہے، ڈیرہ چوہدری ریاض احمد کاہلوں پر میڈیا سے گفتگو کرتے ہوئے انہوں نے کہا کہ یہ واقعہ ہمیں نواسہ رسولؐ، حضرت امام حسینؓ کی اْس عظیم قربانی کی یاد دِلاتا ہے، جواْنہوں نے سلام کا جھنڈا بلند رکھنے کیلئے دی، بلاشبہ اْن کی اس عظیم قربانی نے انسانیت کو جینے کا دستور، ظالم و جابر حکمرانوں کی آنکھوں میں آنکھیں ڈال کر بات کرنے کا حوصلہ بخشا۔