ویگنار گاڑی روات کلر سیداں روڈ پر آچانک آگ لگنے سے جل کر خاکستر

 کلر سیداں(نامہ نگار)ڈڈیال آزاد کشمیر سے راولپنڈی جانے والی ویگنار گاڑی روات کلر سیداں روڈ پر آچانک آگ لگنے سے جل کر خاکستر ہو گئی ریسکیو 1122 کی تاخیر سے آمد کے باعث گاڑی کو جلنے سے نہ بچایا جا سکا،تاہم گاڑی میں موجود افراد نے چھلانگیں لگا کر جان بچائیں، ٹریفک وارڈنز کلر سیداں کے بیٹ انچارج راجہ سہیل صابر کے مطابق حادثہ  شارٹ سرکٹ کے باعث پیش آیا   ریسکیو کی گاڑی پہنچنے سے قبل ہی گاڑی مکمل طور پر جل کر خاکستر ہو چکی تھی۔