’’تذکرہ خواجگان  موہڑہ امین‘‘ شائع ہوگئی

دولتالہ سکھو(نامہ نگار)خطہ پوٹھوہار کے معروف پنجابی اور اردو شاعر علامہ قاضی محمد رشید کی تالیف’’ تذکرہ خواجگان موہڑہ امین‘‘ شائع ہوگئی ہے،کتاب کی ترتیب و تدوین سجادہ نشین آستانہ عالیہ موہڑہ امین شریف قاضی محمد سعید چشتی نے کی ہے ۔کتاب میں حضرت سید غلام حیدر علی شاہ جلال پوری کے دست گرفتہ و خلیفہ حضرت خواجہ قاضی خان محمد چشتی اور انکے صاحبزادے اور سجادہ نشین قاضی خدا بخش چشتی کے احوال وکرامات مع سی حرفی حضرت خواجہ قاضی خان محمد چشتی شامل ہے ۔قاضی محمد رشیدماہر تعلیم ہونے کے ساتھ ساتھ مقبول خطیب اور سجادہ نشین بھی تھے۔