علاقے میں پانی کی صورتحال پرہنزہ انتظامیہ کے اجلاس میں فیصلہ کیا گیا ہے کہ عطا آباد کے علاقوں میں جلد کشتی سروس بحال کی جائے گی جو صرف سامان لے جانے کے لئے ہوگی۔ ہنزہ میں خراب موسم کے باعث ہیلی کاپٹر سروس معطل ہے ۔ ادھر مسلم لیگ نون کے قائد محمد نواز شریف نے آج ہنزہ کے علاقے کا دورہ کرنا تھا جو موسم کی خرابی کے باعث ملتوی کردیا گیا ہے ، دوسری جانب کریم آباد میں طبی سہولیات کی فراہمی شروع کردی گئی ہے اور ہسپتال میں اب تک چار ہزار مریضوں کو چیک کیا جاچکا ہے جبکہ ایک خاتون کا آپریشن بھی کیا گیا ہے، مقامی لوگوں کا کہنا ہے کہ عطا آباد سے پسو تک کشتی سروس جلد شروع کی جائے تاکہ لوگوں کومشکلات سے نجات مل سکے۔