یہ انوکھا اور دلچسپ منظراس وقت دیکھنے میں آیا جب میکسیکو سٹی میں کھیل کے دوران طاقتور بیل کو اپنے سامنے پا کر کھلاڑی کے ہوش اڑ گئے، اور وہ خوفزدہ ہوکر میدان سے باہرکود گیا ۔ بائیس سالہ کرسٹین ہرنینڈز اس سے قبل بل فائٹنگ کے کئی مقابلوں میں حصہ لے چکا ہے تاہم چند ماہ قبل کھیل کے دوران ایک بیل نے اس کی ٹانگ میں سینگھ مار کر اسے زخمی کردیا تھا ۔ کرسٹین ہرنینڈزکی حرکت پر وہاں موجود شائقین کو سخت مایوسی ہوئی اورانہوں نے بھرپورناگواری کا اظہار کیا ۔ دوسری جانب بل فائٹنگ کے لیے کئے گئے معاہدے کی خلاف ورزی کرنے پر اسے پولیس کے حوالے کردیا گیا تاہم پولیس کی جانب سے مکمل رپورٹ پیش نہ کئے جانے پر عدالت نے اسے ضمانت پر رہا کردیا ۔