قومی بیچ ریسلنگ چیمپئن شپ واپڈا کے نام

لاہور (سپورٹس رپورٹر) 4 قومی بیچ ریسلنگ چیمپیئن شپ پاکستان واپڈا نے سخت مقابلے کے بعد 28 پوائنٹس سے جیت لیا جبکہ ریلوے نے 27 پوائنٹس کے ساتھ دوسری اور پاکستان آرمی نے 26 پوائنٹس کے ساتھ تیسری پوزیشن حاصل کی۔ ایک روزہ بیچ چیمپیئن شپ کا انعقاد لاہور میں ہوا جس میں 9 ٹیموں نے شرکت کی۔ تین کیٹگریز میں ہونے والے مقابلوں میں 90 پلس ویٹ کیٹگری میں واپڈا کے انعام پہلوان نے گولڈ، آرمی کے مرتضٰی نے سلور میڈل اپنے نام کیا۔ 80 کلو گرام کے فائنل میں واپڈا کے اسد بٹ نے ریلوے کے ایم سجاول کو شکست دی جبکہ 70 کلو گرام میں ریلوے کے نذیر نے آرمی کے حیدر کو شکست دیکر گولڈ میڈل جیتا۔  اختتامی تقریب کے مہمان خصوصی پاکستان اولمپک ایسوسی ایشن کے ڈائریکٹر جنرل خالد محمود نے   ریسلرز میں انعامات تقسیم کیے۔