پاکستان کبڈی فیڈریشن نے اگست میں ایران کو سیریز کھیلنے کی دعوت دیدی

اسلام آباد (این این آئی) پاکستان کبڈی فیڈریشن (پی کے ایف) نے رواں برس اگست میں ایران کو کبڈی سیریز کھیلنے کی دعوت دیدی ہے۔ پی کے ایف کے سیکرٹری محمد سرور نے ایک انٹرویو میں اس بات کی تصدیق کی کہ ہم نے حالیہ دورہ تہران کے دوران ایران کو پانچ کبڈی میچوں کی سیریز کھیلنے کیلئے پاکستان آنے کی دعوت دی ہے جسے انہوں نے قبول کر لیا ہے اور یہ سیریز پاکستان سپورٹس کمپلیکس اسلام آباد میں کھیلی جائے گی۔ انہوں نے کہا کہ ہم جلد پاکستان سپورٹس بورڈ حکام کو سیریز کے حوالے سے انفارم کریں گے اور اس کے بعد ایران کبڈی فیڈریشن کے حکام کو سیریز کا حتمی شیڈول بھیجیں گے۔