روس:فیفا ورلڈ کپ کیلئے تیار سب سے بڑے سٹیڈیم میں آگ لگ گئی

ماسکو(سپورٹس ڈیسک) وولگوگرادمیں زیر تعمیر سب سے بڑے سٹیڈیم میں تعمیرات کے دوران اچانک آگ لگ گئی جس کے باعث سٹیڈیم کی تعمیرات روک دی گئی ہیں۔ روس فیفا کپ 2018ء کی میزبانی کر رہا ہے جس کے لئے بڑے پیمانے پر تعمیرات کی جارہی ہیں۔اسی دوران فٹ بال ورلڈ کپ کے لئے تعمیر کیے جانے والے سٹیڈیم میں اچانک آگ بھڑک اٹھی جس نے دیکھتے ہی دیکھتے سارے سٹیڈیم کو گھیرے میں لے لیا، سٹیڈیم کی تعمیر میں حصہ لینے والے مزدوروں اور فائر فائٹرز کی ایک بڑی تعداد نے اس آگ پر قابو پانے کے لئے کئے جانے والے ریسکیو آپریشن میں حصہ لیا ، روسی حکومت نے ہنگامی بنیادوں پر کارروائی کر تے ہوئے حفاظتی انتظامات کوبر وقت پورا کرنے کے لئے اقدامات شروع کر دیئے ہیں۔