لاہور(نمائندہ سپورٹس) انگلینڈ کیخلاف قومی ٹیم کی فتح پر سابق کرکٹرز خوشی سے نہال ہو گئے۔ سابق کپتان عامر سہیل نے کہا کہ بائولرز نے حریف ٹیم کو 250 رنز کے اندر آئوٹ کرکے ہی فتح کی بنیاد رکھی،اوپنرز نے ذمہ داری کا مظاہرہ کیا، ٹائٹل جیتنے کیلئے حریف کی پرواہ کیے بغیر فائنل میں بھی ٹھوس حکمت عملی کے ساتھ میدان میں اترنا ہوگا۔سابق کپتان یونس خان اور سابق ٹیسٹ کرکٹر عامر نذیر نے کہا کہ ٹیم کا فائنل تک رسائی حاصل کرنا پوری قوم کیلئے فخر اور اعزاز کی بات ہے، کھلاڑیوں نے عمدہ پرفارم کیا جنھیں ایونٹ سے قبل ہلکا سمجھا جا رہا تھا،قومی ٹیم کو فائنل میں کامیابی کیلئے جارحانہ حکمت عملی بنانا ہوگی ۔ سینئر بلے بازوں کو ذمہ داری لیتے ہوئے رنز بنا نا ہونگے۔