ہاکی ورلڈ لیگ سیمی فائنل راونڈ‘ہالینڈ نے پاکستان کو چار صفر سے شکست دیدی

لندن(چودھری اشرف)ہاکی ورلڈ لیگ سیمی فائنل راونڈ لندن میں شروع ہو گیا۔ پاکستان ٹیم کو افتتاحی میچ میں ہالینڈ کے ہاتھوں صفر کے مقابلے چار گول سے شکست کا سامنا کرنا پڑ گیا ۔ پاکستان ہاکی ٹیم کے کوچ خواجہ جنید کا کہنا تھا کہ کھلاڑیوں نے کئی یقینی مواقع سے فائدہ نہیں اٹھایا تاہم پوری امید ہے کہ اگلے میچز میں ہمارے کھلاڑی کم بیک کرینگے۔ ارجنٹائن نے کوریا جبکہ بھارت نے سکاٹ لینڈ کو شکست دیدی ۔ا اور بھارت کی ٹیموں نے کامیابی حاصل کی۔ پہلا میچ ارجنٹینا اور کوریا کی ٹیموں کے درمیان کھیلا گیا جس میں ارجنٹائن ٹیم نے ایک کے مقابلے دو گول سے مات دی۔ دوسرا میچ بھارت اور سکاٹ لینڈ کی ٹیموں کے درمیان کھیلا گیا جس میں بھارت نے چار ایک سے کامیابی حاصل کی۔