کراچی( اسٹاف رپورٹر )؎پاکستان پیپلز پارٹی کو ملک کی تمام سیاسی جماعتوں میں ایک خاص منفرد مقام یہ حاصل ہے کہ اس نے ہمیشہ پالیسی سازی میں ملک کے ٹھوس زمینی حقائق، خطہ کی صورتحا ل اور نیو گلوبل سسٹم کا ٹھیک ٹھیک ادراک کرتے ہوئے درست سمت کا تعین کیا ہے۔ ان خیالات کا اظہار PPPکراچی ڈویژن کے سینئر نائب صدر عبدالرزاق راجہ نے PS-89کے صدر و ڈی ایم سی ملیر کے چیئرمین جان محمد بلوچ کی جانب سے دیئے گئے افطار ڈنر سے خطاب کرتے ہوئے کیا۔ اس موقع پر جان محمد بلوچ نے قومی اسمبلی کے امیدوار عبدالحکیم بلوچ اور صوبائی اسمبلی کے پارٹی امیدوار سلیم بلوچ کو تنظیم کی جانب سے نہ صرف مکمل تعاون کا یقین دلایا بلکہ اس عزم کا اظہار کیا کہ پارٹی کارکنان میدان عمل میں اتر کر اپنے امیدوارون کو فتح یاب کرنے کے لیئے انتہائی پرعزم ہیں۔ اس موقع پر عبدالحکیم بلوچ اور سلیم بلوچ نے کہا کہ چیئرمین بلاول بھٹو زرداری نے ہمیں پارٹی ٹکٹ دیا ، ہم پر جس اعتماد کا اظہار کیا ہے ہم یہ سیٹ جیت کر پارٹی کی بھرپور فتح کا تحفہ چیئرمین بلاول کو دیں گے۔