اخترآباد، راجووال (نامہ نگاران) مین روڈ پر ٹرالر نے دو موٹرسائیکل سوار کچل دیئے۔ تفصیلات کے مطابق اٹاری روڈ حجرہ شاہ مقیم پر کاشتکار نے مکئی خشک کرنے کی غرض سے مین روڈ پر گزشتہ کئی روز سے پھیلا رکھی تھی جو کہ مکئی کو تھریش کررہا تھا۔ اسی دوران لاہور کے ٹرالر کو دیکھ نہ سکے اور ٹکرا گئے۔ حیدر علی اور عمران مخالف سمت سے آنے والے ٹرالر سے ٹکرا کر کچلے گئے جس سے حیدر علی موقع پر ہی جاں بحق ہوگیا جبکہ دوسرا نوجوان معجزانہ طور پر بچ نکلا واقعہ پر اہل علاقہ نے سڑک بلاک کردی اور تین گھنٹے تک نعش سڑک پر رکھ کر شدید احتجاج کیا۔ پولیس نے کارروائی کی یقین دہانی کروا دی تو احتجاج ختم کردیا گیا۔