قتل واغواء کی وارداتوں میں ملوث20ملزم گرفتار،93لاکھ روپے مالیت کامال وزر برآمد

لا ہو ر(نمائند ہ خصوصی)صدر ڈویژن انویسٹی گیشن پولیس نے قتل ، اغواء برائے تاوان اور ڈکیتی کی سنگین وارداتوں میں ملوث20ملزمان گرفتار کرکے ایک کروڑ 93لاکھ روپے سے زائد مالیت کے طلائی زیورات، نقدی، ڈالرز،موبائل فونز، دیگر قیمتی اشیاء اور بھاری مقدار میں ناجائز آتشیں اسلحہ برآمدکرلیا ہے۔ ایس پی انویسٹی گیشن صدر راشد ہدایت نے بتایا کہ گرین ٹائون پولیس نے سگے بیٹے 8سالہ دائود کو قتل اور6 سالہ یشوا کو شدید زخمی کرنیوالے 2ملزمان والد پرویز عرف راجو اوراس کی سوتیلی ماں کلثوم کو24گھنٹے میں گرفتار کر لیا ہے۔ یہ امر قابل ذکر ہے کہ ملزم پرویز نے دو شادیاں کر رکھی تھیں اور وہ اپنی دوسری بیوی کے ساتھ شیخوپورہ میں رہائش پذیر تھا ۔