ایماندارپولیس افسر‘ اہلکار محکمہ کے ماتھے کا جھو مر ہیں:آر پی او گوجرانوالہ

گوجرانوالہ(نمائندہ خصوصی)آرپی او ریاض نذیر گاڑا نے کہا کہ نڈر ،دلیر، بہادر، ایماندار اورمحنتی پولیس افسران و جوان نہ صرف قابل احترام ہیں بلکہ اپنے محکمہ کے ماتھے کا جھو مر ہیں ۔ جو ہر قسم کے مشکل حالات میں ا پنی خدا داد صلاحیتوں کوبروئے کار لاتے ہوئے مخلوق خدا کی خدمت کو عبادت سمجھتے ہیں اور محکمہ کی عزت و توقیر کا موجب بنتے ہیں۔ان خیالات کا اظہار انہوں نے تھانہ اروپ گوجرانوالہ کے اے ایس آئی قمرالزمان ، کنسٹیبلز شاہد عباس اور محمد عرفان کو اعلی کارکردگی کا مظاہرہ کرنے پر نقد انعام اور تعریفی سر ٹیفکیٹ دیتے ہوئے کیا۔