جنوبی پنجاب میں ریکارڈ گرمی سڑکیں سنسان، آج موسم شدید گرم و خشک رہنے کا امکان

ملتان ( خبر نگار خصوصی)جنوبی پنجاب میں ریکارڈ گرمی پڑنے سے سڑکیں اور گلیوں میں آ مدورفت محدود ہوگئی، بہاولنگر میں درجہ حرارت 46 ڈگری تک پہنچ گیا جبکہ محکمہ موسمیات کی پیشگوئی کے مطابق آج موسم شدید گرم و خشک رہنے اور گردآلود ہوائیں چلنے کا امکان ہے، پیر کے روز ملتان میں درجہ حرارت زیادہ سے زیادہ 44.2 کم سے کم 32.3 ،بہاولپور زیادہ سے زیادہ 45 کم سے کم 28.5، رحیم یار خان زیادہ سے زیادہ 45 کم سے کم 30 ،خان پور زیادہ سے زیادہ 44.5 کم سے کم 29.7 ،بہاولنگر زیادہ سے زیادہ 46 کم سے کم 28.5، کوٹ ادو زیادہ سے زیادہ 45 کم سے کم 30.2 ،ڈی جی خان زیادہ سے زیادہ 45 کم سے کم 29.5 ،کروڑ لعل عیسن زیادہ سے زیادہ 43.5 اور کم سے کم 28.5 درجے سینٹی گریڈ ریکارڈ کیا گیا۔