پشاور: پشاور سمیت صوبے کے اکثر اضلاع میں دن میں دوسری مرتبہ زلزلے کے جھٹکے محسوس کئے گئے ہیں۔
ابتدائی معلومات کے مطابق پشاور سمیت صوابی ،سوات،شانگلہ اور ایبٹ آباد و گردو نواح میں ایک بار پھرزلزلے کے جھٹکے محسوس کئے گئے ہیں۔جس پر لوگوں میں سخت خوف وہراس پھیلا اور وہ گھروں دفاتر سے کلمہ طیبہ اور استغفار کا ورد کرتے ہوئے باہر نکل آئے۔
اس سے قبل آج اسلام آباد، راولپنڈی، مردان، نوشہرہ اور ایبٹ آباد،سوات، شانگلہ، تیمر گرہ اور گلگت بلتستان کے مختلف علاقوں میں بھی زلزلے کے جھٹکے محسوس کئے گئے تھے۔
زلزلہ پیما مرکز کے مطابق زلزلے کی شدت ریکٹر اسکیل پر پانچ اعشاریہ سات ریکارڈ کی گئی۔ زلزلے کی گہرائی ایک سو بارہ کلومیٹر اور مرکز تاجکستان تھا۔