امیر رانا انوار سعید مرحوم خدمت خلق کی ایک روشن مثال تھے:ذکر اللہ مجاہد

لاہور (خصوصی نامہ نگار)امیر جماعت اسلامی لاہور میاں ذکر اللہ مجاہد نے کہا ہے کہ امیر رانا انوار سعید مرحوم خدمت خلق کی ایک روشن مثال تھے۔ مرحوم نے اپنی پوری زندگی بندگان خدا کی خدمت کے کام کو اپنا مشن بنائے رکھا اور نظریہ پاکستان اور غلبہ اسلام کیلئے پوری زندگی جدوجہد کی جس پر ہم رانا انوار سعید مرحوم کی خدمات کو جیلہ خراج تحسین پیش کرتے ہیں۔ان خیالا ت کا اظہار انہوں نے جماعت اسلامی زون کے سابق امیر رانا انوار سعید مرحوم کے تعزیتی ریفرنس اور دعائیہ تقریب سے خطاب کرتے ہوئے کیا۔ تقریب میں امیر جماعت اسلامی علاقہ جنوبی لاہورخالد احمد بٹ، امیر زون کوٹ لکھپت حافظ محمود، رانا انوار سعید مرحوم کے صاحبزادوں نے بھی خطاب کیا۔