دنیا کے بلند ترین پولو گرائونڈ میں مقبول شندور فیسٹیول بھی کرونا کی نظر ہوگیا

اسلام آباد(اسپورٹس رپورٹر ) دنیا کے بلند ترین پولو گراونڈ میں مقبول شندور فیسٹیول بھی کرونا وائرس کی نظر ہوگیا ہے۔تفصیلات کے مطابق کلچراینڈ ٹورزام ڈیپارٹمنٹ کے پی نے شندورفیسٹیول 2021 کو منسوخ کردیا ہے، شندورپولو فیسٹیول کی منسوخی کا نوٹیفکیشن جاری کردیا گیا ہے۔جاری نوٹیفکیشن میں این سی او سی کا حوالہ دیتے ہوئے کہا گیا کہ فیسٹیول کے آغاز پر پنڈال میں سماجی فاصلہ اور سیاحت کے لئے جاری ایس او پیز پر عمل نہ کیا جانے کا خدشہ ہے جو کہ کرونا کو مزید پھیلانے کا سبب بن سکتا ہے، این سی او سی کی پالیسی کی وجہ سے شندورپولو فیسٹیول ناممکن ہے۔یہاں یہ امر قابل ذکر ہے کہ ہیڈکوارٹر فرنٹیئر کور (شمالی)نے بھی ایک خط کے ذریعے اسی طرح کے خدشات کا اظہار کیا ہے اور مشورہ دیا ہے کہ اس سال اس تقریب کا انعقاد نہیں کیا جانا چاہئے۔جس کے بعد سیکرٹری سیاحت محکمہ خیبر پختونخوا نے تمام اسٹیک ہولڈرز سے مشاورت اور مجاز اتھارٹی کی رضامندی سے عوامی مفاد میں شندور پولو فیسٹیول -2021 منسوخ کرنے کا فیصلہ کیا ہے۔