پی ایس ایل 6،بابر اعظم رنز بنانے میں سب سے آگے نکل گئے

کراچی (اسپورٹس رپورٹر )پاکستان سپر لیگ (پی ایس ایل) 6میں کراچی کنگز کے مایہ ناز بلے باز بابر اعظم رنز بنانے میں سب سے آگے نکل گئے۔عالمی شہرت یافتہ بلے باز بابر اعظم پی ایس ایل 6میں سب سے زیادہ رنز بنانے والے بلے بیٹسمین بن گئے ۔بابراعظم نے کراچی کنگز کی نمائندگی کرتے ہوئے اب تک 7میچز میں 5نصف سنچریوں کی مدد سے 424رنزبنالئے۔پی ایس ایل 6میں رنز بنانے میں ملتان سلطان کے کپتان اور وکٹ کیپر بلے بازمحمد رضوان کا دوسرا نمبر ہے، انہوں نے 7میچز کھیل کر 408رنز بنا رکھے ہیں۔