کبیروالہ، میونسپل حکام کی ناہلی، شہر میں سیلابی صورتحال

 کبیروالا(نامہ نگار) طوفانی بارش نے میو نسپل حکام کی ناہلی کا پردہ فاش کردیا، ہنگامی حالت سے نمٹنے کے دعوے جھوٹ کا پلندہ نکلے ، شہر میں بارشں کا پانی سیلاب کا منظرپیش کرنے لگا تفصیل کے مطابق با ر ش کے دوران بلدیہ حکام دعوئوں کے برعکس صورتحال سے نمٹنے کی بجائے منظر نامے سے مکمل طور پر غائب رہے ، با ر ش کے پانی کی بروقت نکاسی نہ ہونے کے باعث شہر کے تجارتی علاقے مخدوم پوروڈ، مین بازار، شارٹ بازار،اولڈ کچہری روڈ، سر دار پور روڈ سمیت دیگر حصو ں میں بار ش کا پانی کھڑا رہا جب کہ مین بازار، مخدوم پور روڈ پر پانی دکانوں میں داخل ہونے تاجروں کو شدید نقصان اٹھانا پڑا ، شہری، تجارتی ، سماجی حلقوں نے میونسپل کمیٹی کی نااہلی اورغفلت کی مذمت کرتے ہوئے ڈپٹی کمشنر خانیوال سے ذمہ دارن کے خلاف کاروائی کامطالبہ کیا ہے۔