لاہور(سپورٹس رپورٹر)پاکستان ہاکی فیڈریشن نے جونیئرعالمی کپ اور جونیئر ایشیا کپ کی تیاری کیلئے قومی جونیئر ہاکی کیمپ کے کھلاڑیوں کا اعلان کردیا، 27 کھلاڑیوں پر مشتمل کیمپ 30 جون تا 18 جولائی لاہور میں منعقد ہوگا۔ کھلاڑیوں میں رانا وحید ، معین شکیل ، غضنفر علی ، وقار، عمیر ستار، عقیل احمد ، عبداللہ ، رومان خان، محب اللہ، مرتضیٰ یعقوب، حماد انجم، حنان شاہد، شاہ زیب خان، آصف حنیف، محسن حسن، انیس، حماد علی ، اسامہ بشیر، وقار علی، سمیع اللہ خان، ارباز ، رضوان علی، علی عزیز، عدیل لطیف، عبدالمنان، احتشام اسلم اور ابوذرشامل ہیں۔ہیڈ کوچ قومی جونیئر ہاکی ٹیم اولمپین دانش کلیم کیمپ کمانڈنٹ ہونگے جبکہ رانا ظہیر احمد بابر کوچ، ایم مدثر علی خان کوچ، سید ابوذر امراؤ ویڈیو انالسٹ، ڈاکٹر اسد عباس ٹیم ڈاکٹر اور ایم زاہد افضل بطور ٹریننر قومی جونیئر تربیتی ہاکی کیمپ میں اپنی پیشہ ورانہ خدمات سرانجام دینگے۔ کھلاڑی 30 جون سہہ پہر تک رپورٹ کرینگے۔