گوجرانوالہ(نمائندہ خصوصی)چیف ٹریفک آفیسر گوجرانوالہ سہیل فاضل نے 135 ٹریفک اہلکاروں میں نقد انعام اور تعریفی سرٹیفیکیٹس تقسیم کئے۔سی ٹی اوکا کہنا ہے کہ ٹریفک اہلکاروں کو مصروف چوکوں ، مارکیٹس،سکول ڈیوٹی اور کرونا ایس او پی کی پابندی کروانے جیسے کئی مراحل کا سامنا کرنا ہوتا ہے اور ڈیوٹی کے ان مشکل مراحل میں اچھی ڈیوٹی سر انجام دینے پر اہلکاروں کا حوصلہ بلند ہوتا ہے جس سے وہ اور بھی د لجمعی سے ڈیوٹی سر انجام دیتے ہیں۔ سی ٹی او نے عوام الناس کو پیغام دیتے ہوئے کہا کہ وہ ٹریفک اہلکاروں کی ہدایات پر عمل پیرا ہوں۔ تا کہ کسی بھی قسم کے ٹریفک مسائل سے بچا جا سکے۔اس موقع پر سی ٹی او نے ٹریفک سٹاف کو اسی طرح شہریوں سے بہترین رویہ رکھتے ہوئے اچھی ڈیوٹی کرتے رہنے کہ تلقین کی۔