یونائٹیڈ بزنس گروپ کی نومنتخب میئر،ڈپٹی میئرکراچی ، بلاول بھٹو کو مبارکباد

کراچی(کامرس رپورٹر)یونائٹیڈ بزنس گروپ(یو بی جی) کے سرپرست اعلیٰ ایس ایم تنویر،صدر زبیرطفیل، چیئرمین شہزاد علی ملک،سیکریٹری جنرل ظفربختاوری، چیئرمین (سندھ زون)خالدتواب،سیکریٹری جنرل (سندھ) حنیف گوہر،مرکزی ترجمان گلزارفیروز،ایف پی سی سی آئی کے سابق سینئرنائب صدرسیدمظہرعلی ناصر،شیخ شکیل احمدڈھینگڑا،کاٹی کے سابق صدرشیخ عمرریحان، ملک خدا بخش اور دیگر رہنماو¿ں نے مرتضی وہاب اور سلمان مراد بلوچ کوکراچی کا میئر اور ڈپٹی میئر منتخب ہونے پر مبارکباد پیش کی ہے۔ کرتے ہوئے کہا کہ مرتضی وہاب پہلے بھی شہر کے سربراہ کی حیثیت سے ذمہ داریاں نبھا چکے ہیں اورشہر قائدکے مسائل سے بخوبی آگاہ ہیں، کراچی ملک کی ترقی کا یندھن ہے اور شہر کو ایک ایسی قیادت کی ضرورت تھی جو اس شہر کو اسکا حق دے اور بنیادی مسائل کو دور کرے اور توقع ہے کہ مرتضیٰ وہاب اپنی مدبرانہ قیادت سے کراچی میں ترقیاتی کام کراکے شہریوں کا اعتماد جیتنے کی ہر ممکن کوشش کریں گے۔یو بی جی رہنماو¿ں نے کہا کہ نومنتخب ڈپٹی میئر سلمان مراد بلوچ بھی بلدیاتی امور پر مکمل عبور رکھتے ہیں اوروہ بھی یقیناًکراچی کی قسمت کو سدھارنے کیلئے مرتضی وہاب کا بازوبنیں گے۔یو بی جی رہنماو¿ں نے مزید کہا کہ پاکستان پیپلز پارٹی سندھ بھر میں صوبائی اور بلدیاتی حکومتوں پر اکیلے راج کرے گی اور اب شہر کراچی کے منتخب بلداتی نمائندوں کو یہ شکایت نہیں رہے گی کہ انہیں فنڈز دستیاب نہیں ہیں،اس لئے منتخب بلدیاتی قیادت اجڑے اور ادھڑے ہوئے کراچی کو ایک بار پھر اس کی اصل شکل میں لانے کیلئے اپنا کردار ادا کرے اور اس مشن میں بلدیاتی اپوزیشن بھی منتخب نمائندوں کا بھرپور ساتھ دے۔یو بی جی رہنماو¿ں نے میئر اور ڈپٹی میئر کے انتخاب میں پاکستان پیپلز پارٹی کی سو فیصد کامیابی پر چیئرمین پی پی پی بلاول بھٹو،سابق صدر پاکستان آصف علی زرداری اورمحترمہ فریال تالپور کومبارکباد پیش کی ہے۔یو بی جی رہنماو¿ں نے جماعت اسلامی کراچی کے امیر حافظ نعیم الرحمان کو بھی میئرکراچی کے انتخاب میں بھرپور انداز سے حصہ لینے پر مبارکباد پیش کی اور اس یقین کا اظہار کیا کہ وہ اپنی ٹیم کے ہمراہ شہر کی ترقی اور خوشحالی میں اپنا بھرپور کردار ادا کریں گے۔