لاہور نیوز(رپورٹر)کالج آف آفتھلمالوجی اینڈ الائیڈ ویژن سائنسز نے آپٹیشنز کیلئے COAVS لاہور میں ”فنڈامینٹل ڈسپینسنگ آپٹیشن کورس“ کا انعقاد کیا گیا۔ سوسائٹی آف آپٹومیٹری، آرتھوپٹکس اینڈ انویسٹیگیشن آفتھلمالوجی (SOOOP) پاکستان اور لاہور آپٹیشن ایسوسی ایشن کی مشترکہ کوشش سے کامیاب ہونے والے طلبہ میں سرٹیفیکٹس تقسیم کیے گئے۔ تقسیم اسناد کی تقریب مقامی ہوٹل لاہور میں ہوئی جس کے مہمانانِ خصوصی پروفیسر ڈاکٹر اسد اسلم خان، پروفیسر ڈاکٹر زاہد کمال صدیقی، پرنسپل COAVS پروفیسر ڈاکٹر محمد معین، SOOOP پریزیڈنٹ آپٹومیٹریسٹ عائشہ سلیم ودیگر ممبران نے شرکت کی۔ مہمانان خصوصی نے کامیاب ہونے والے طلبہ ، SOOOP اور LOA ممبران کو اس تعلیمی سرگرمی کی کامیابی پر مبارکباد پیش کی۔